Avion Ruso a cay cerca di Moscu

925
CMB Ban Cobra
i10 Sedan
Download nos App
Send a Tip 24 Whatsapp
RBC Loan Calculator
Special di Diamars Ling Sons

Tur 71 persona abordo di un avion comercial cu a cay poco despues di a bandona e aeropuerto di Moscu diadomingo, posiblemente lo a fayece, di acuerdo cu medionan Ruso.
E agencia di noticia Ruso TASS a cita un fuente di servicionan di emergencia, bisando cu tur 65 pasahero y seis miembro di tripulacion a muri den e incidente. E Ministerio di Situacionnan di Emergencia Ruso despues a conta Reuters cu dos curpa a wordo haya na e luga di e tragedia. NBC News no por a verifica inmediatamente e reportahe.
E vuelo di Saratov Airlines taabta na caminda for di Moscu pa e ciudad di Orsk cerca di e frontera di Kazakhstan prome cu el a cay net pafo di e capital, e medio estatal a bisa.
Oficialnan Ruso a bisa cu tur pasahero abordo di e aeroplano supuestamente ta residentenan di e region di Orenburg, caminda cu e avion tabata bayendo, di acuerdo cu e agencia di noticia Ruso Interfax.
E agencia di noticia estatal Ruso TASS a bisa cu e fragmentonan di avion a wordo haya den e area di Ramenskoye, mas of menos un 25 miya for di e aeropuerto Domodedovo di Moscu.
Imagennan for di agencianan di noticia ta mustra fragmentonan plama riba un veld na sneeuw cu ningun edificio den cercania.
Vuelo #6W703 di Saratov Airlines a cay mas of menos cinco minuut despues di a lanta vuelo, cayento mas of menos 22 mil pia pa minuut, di acuerdo cu Flightradar 24, cu ta rastrea trafico di avion rond mundo.
E servicio di rastreo a bisa cu e vuelo ta envolve un avion Antonov An-148 shete aña bieu. E coite Investigativo Ruso a bisa cu tur posibel causa di e accidente ta wordo considera.
TASS a reporta cu e avion tabata bulando desde 2010, pero a wordo poni den hangar durante 2015-2017 pa motibo di falta di piesa. Di acuerdo cu e agencia di noticia, e avion a drenta bek pa Saratov Airlines na Februari 2017. E avion a wordo geordo pa Rossiya Airlines, un subsidiario di Aeroflot.
Ekiponan dudoso y supervision minimal a bin ta tormenta aviacion civil Ruso pa hopi tempo despues di e colapso di Union Sovietica na 1991, pero su record di siguridad a mehora remarcablemente den añanan reciente.
E ultimo accidente di gran escala na Rusia a sosode riba 25 di December, 2016, ora cu un Tu-154, opera pa e Ministerio di Defensa Ruso, tabata na caminda pa Siria, ora cu el a cay den lama Preto (Black Sea), minuutnan despues cu el a lanta vuelo for di e ciudad sureño Ruso, Sochi. Tur 92 persona abordo a fayece.
Na Maart 2016, un Boeing 737-800 di FlyDubai, a cay mientras cu e tabata bahando na Rostov-on-Don, matando 62 hende abordo.
Un bom abordo a destrui un Metrojet airliner Ruso, net despues di a lanta for di e Sharm al-Sheikh Resort na Egipto, matando 244 persona na October 2015.

Comments

Montero 1 Summer
escape summer
Redfish lunch Special Sept
Montero 2 Summer
CIBC Get Moving

comments

home improvent
AC Delco 20% Service
Test Drive Cordia Carnival Village y Do It
Dragon Fly