Awe mainta a tuma nota di un vuelo inusual cu a baha riba nos pista di Aeropuerto Internacional Reina Beatrix. Segun tin entendi, esaki lo tabata un vuelo cu a sali for di Ushuaia, Argentina, esta conoci como e punto cu ta na fin di mundo. Asina e ciudad ta propaganda su mes tambe. Locual ta haci esaki inusual ta su trayectorio pa Aruba, debi cu, segun informe, esaki no tabata riba e pagina di Aruba Airport como un vuelo spera.
A bin compronde cu e vuelo tabata haciendo un transito na Aruba pa despues sigui cu su trayectorio pa Orlando, Merca. Mas informacion a clarifica cu e vuelo aki, di National Airlines, ta pasa riba nos isla cada pasa dos siman. Pues, e avion mester pasa door di un Pre Clearance Mericano na Aruba pa despues bay su destino final.
