Avianca Holdings SA, Latino America su di dos aerolinea di mas grandi, a declara bancarota, ya cu e fecha di paga bonus ta yegando y despues di a pidi yudansa di e Gobierno Colombiano pa supera e crisis di Coronavirus no tabatin exito.
Si e aerolinea no sali for di bancarota, Avianco lo ta un di e prome aerolineanan importante na nivel munidal di cay door di e pandemia, cu tin un resultado di 90% perdida den biahamento global. E aerolinea no tabatin vuelonan regular di biaheronan desde fin di maart y mayoria di su 20000 empleado a keda sin pago durante e crisis.
Segun e CEO di Avianca, Anko van der Werff, e aerolinea ta enfrentando e crisis mas desafiante den e 100 añanan di historia. Prome cu e brote di Coronavirus Avianca tabata debil, awo cu e declaracion di bancarota ta destaca e retonan p’e aerolinea cu no por conta cu yudansa estatal pa evita e restructuracion di bancarota. Un representante di e aerolinea a informa Reuters cu ainda nan tabata purbando di haya prestamo di gobierno.
Avianca ta un di e aerolineanan mas bieu di mundo, calculando cu su liabilities ta entre $1 biyon cu $10 biyon menciona den un peticion na U.S. Bancruptcy Court den e Districto Sur di New York. Den comienso di 2000 nan a bay den bancarota, unda cu e oil entrepreneur Boliviano German Efromovich a salba nan. Efromovich no ta di acuerdo cu e decision di declara bancarota y no a forma parti di e decision aki.
Avianca Holdings SA hunto cu su subsidiarionan y afiliadonan a solicita boluntariamente p’e Capitulo 11 di e Codigo di Bancarota Merca den un U.S. Bancruptcy Court den e Districto Sur di New York. A haci esaki pa preserva y reorganisa e negoshinan di Avianca. LifeMiles, empresa cu ta administra e programa di mesun nomber no ta forma parti di e peticion di Capitulo 11. Pa nan tabata necesario haci esaki debi na e impacto di e pandemia COVID-19, cu a pone cu e trafico aereo mundial di pasahero a cay cu 90%. Ta spera cu esaki lo reduci e entradanan di e industria rond mundo na 314.000 mil miyon di dollar, segun e Asociasion di Transporte Aereo Internacional (IATA).
Nan ta spera cu ora e restrincionnan di gobiernonan lanta riba trafico aereo y cu Avianca gradualmente por cuminsa cu nan vuelonan, nan ta spera di contribui cu e reactivacion p’e economia di Colombia. Tambe cu e otro mercadonan clave y reincorpora e empleadonan. Segun van der Werff, nan ta kere cu e reorganisacion bou Capitulo 11 ta e miho caminda pa sigui proteha e servicionan esencial di biahe y transporte aereo cu nan ta duna Colombia y otro mercadonan den henter Latino America.
