Vuelonan di Aerolinea Pawa Dominicana no ta bulando pa ningun destino, pasobra nan no a paga. Esaki ta loke un comunicado di prensa na Republica Dominicana a indica. Esaki ta haci cu basta Arubiano cu ta na Republica Dominicana ta pega.
Segun e corant virtual Listin Diario, e hunta di Aviacion Civil JAC a anuncia e suspension pa un periodo di 90 dia di e Certificado di Autorisacion Economico CAE number 2, saca na fabor di e empresa aereo Pan America World, Airways Dominicana SA, Pawa Dominicana, pa supuestamente incumplimento di nan obligacionnan economico areanan internacional.
Den un comunicado di prensa, e organismo regulador di e operacionnan aeronautico ta señala cu mediante resolucion a dicidi suspende pa 90 dia e Certificado di Autorisacion Economico (CAE) na e aerolinea Pawa Dominicana, pa incumplimento den su obligacionnan economico.
E organismo a indica cu a el a acoge pa unanimidad e consideracionnan presenta pa e Instituto Dominicano di Aviacion Civil, mescos cu e comunicacion di e empresa Aeropuertos Dominicanos Siglo XXI, relaciona cu e incumplimento di pago di e tasa y servicionan aeronautico y aeroportuario di parti di e empresa aereo.
Esaki ta haci cu e aerolinea ta dispone di un plaso di 10 dia pa por bin cu prueba pa asina hustifica nan interesnan, y asina cumpli cu e plaso di pago, prome cu nan haya autorisacion bek pa nan lanta vuelo.
