AVB a nenga demanda di Britannia contra Estrella

Den fin di siman pasa a tuma luga e wega di futbol entre SV Estrella contra SV Britannia. Den e wega ey Estrella a resulta victorioso cu un score di 2-0 contra e ekipo di Piedra Plat. Sinembargo, despues di e wega, Britannia a protesta contra e hungado Jean Pierre van der Linden, bisando cu e ta “ilegal”. E siman aki Directiva di Arubaanse Voetbal Bond (AVB) a trata e protesta y a contesta Britannia cu nan no tin rason.

Britannia a protesta na AVB pa declara Van der Linden ilegal y considera e wega como gana pa SV Britannia. E peticion a keda rechasa. Awo Britannia tin oportunidad pa apela e decision di AVB dor di bay den “beroep”, den cual un comision separa lo mester trata e protesta. Te cu ayeranochi ainda Britannia no a apela.

Di acuerdo cu nos fuentenan, e hungado tabata den e ekipo di RCA na Aruba, pero a bay biba na Hulanda y a hunga pa Spartaan 20. Awo cu el a regresa, a bay hunga pa Estrella. E ekipo di Britannia ta protestando cu e proceso di transferencia no a cana debidamente.

Sinembargo, AVB a haya conseho huridico di tanto CONCACAF como di FIFA riba e asunto specifico aki. Esaki pae organisacion di futbol ta bon prepara pa cualkier bataya legal cu e decision aki por tin.

Si e decision keda mesun cos, e tabla di posicion di Futbol Division di Honor 2017/2018 ta como lo siguiente: