Autoridad a para trabou di construccion: Dak supuestamente di asbest a causa consternacion

Awe mainta tempran, den careda di 8:45AM, na un cas na Verano (den Playa) polis a presenta pa asina controla un constrccion/ renobacion tumando luga riba un dak cu posiblemente lo tabata di material di asbest.

Na yegada a bin encontra enberdad movecion tumando luga riba un dak cu nan tabata bahando. A duna ordo mesora pa para cu tur trabou tumando luga. A puntra e compania di construccion si e tin permiso pa e trabou aki cu posibel asbest, cual el a informa cu e no tin.

Na mes momento e doño di e cas a duna di conoce cu e dak no ta di asbest. Di otro banda a recorda esnan encarga cu e trabou, cu permiso pa por traha cu asbest ta cay bou di nan responsabilidad.

Autoridad a mantene e ordo di para tur trabou andando. Na sitio a presenta tambe personal di DTI pa verifica si tur protocol ta vigente. Contratista a informa cu a purba tuma contacto cu e departamento concerni pero cu nan tabata cu vacantie. 

E personal di DTI a informa cu no por continua cu e trabou, a tuma muestra di e material y lo manda esaki afo pa determina si enberdad ta trata di asbest of no.