E tabata un bon caso cu autoridad a traha riba dje y pone man riba riba cuater persona. Ademas di mas cu diez illegal cu awe ta sera na Guarda Nos Costa na Dakota.
E cuater hendenan deteni ta entre Colombiano y Venezolano. Ora cu a haya informacion cu e grupo a yega cu droga Aruba, mesora a mobilisa e departamentonan concerni pa pone man riba esnan responsabel. Ta sospecha cu e droga a yega Aruba e mesun dia via boto.
Ta for di Venezuela a trece e droga. Na Venezuela keto bay guardianan ta wordo paga pa asina laga cosnan pasa. Den e caso aki a coy total riba 30 kilo. Na e cas den Totolicastraat a haya un cantidad grandi di kilonan di marihuana y cocaina. E investigacion a sigui despues cu a confisca e boto cu e auto. A tene e boto y e auto na un area sigur. Despues di esey a yega e momento pa listra e boto. Diamars a listra e boto. Asina a bin haya den e boto como 13 kilo mas scondi. No a haya arma den e caso aki te asina leu cu ta conoci.
