Funcionarionan di Landsrecherche Curaçao (LrC) a haci diadomingo merdia, 10 di Juni 2018, 3 detencion. Ta trata di e investigacion “Football” den cual a detene entre otro un polis na aeropuerto Hato. Ta trata di di e homber F.A.W. (Corsou, 33 aña).
Continuando ku e investigacion a detene tambe un funcionario di Douane “in opleiding”. Ta trata di e hòmber J.N.P.H. (Corsou, 26 aña). Tambe a detene e comerciante U.I.P. (Corsou, 50 aña).
Continuando a tene entrada hudicial na varios adres: Gosieweg, Siberie, 2 adres den Sans Souci y Kashutuin. Esaki nan a tuma luga bou di liderasgo di un Fiscal Auxiliar.
Landsrecherche Curaçao a haya sosten durante e accion di funcionario di polis (KPC), Team Bestrijding Ondermijning (TBO) y Marina Real.
A confisca droga, documento y otro articulo importante pa e investigacion.
A inicia cu investigacion “Football” despues di informacion cu a drenta di mal uzo di funcion, lekmento di informacion y practica ilegal den cual ambtenaar ta envolvi.
Landsrecherche ta un instancia di investigacion cu un tarea special cu ta dirigi su mes entre otro riba investiga comportacion cu ta toca integridad di administracion publico. Landsrecherche ta haci solamente investigacion ora Procurador-general (PG) duna ordo pa esaki.
Corupcion administrativo ta forma un menasa pa un pais su derecho. Landsrecherche Curaçao (LrC) y Ministerio Publico (OM) Corsou ta duna pa e motibo aki prioridad na tipo di corupcion asina.
