Awe mainta un biaha mas autoridad a bay atende cu Reginald “Richi” Danies pa ponemento di banner riba tereno publico. Na varios ocasion polis a bay kita e mensahe cu ta poni / colga na e matanan dilanti Plaza Henny Eman y cu segun informacion ta mahos bista pa nos bishitantenan.
Den entrevista cu Danies, el a duna di conoce cu e mensahe cu nan ta pone riba e bannernan aki tabata fuerte y a adapta esakinan pa wak si nan lo permiti e banner keda pega.
Tambe e ta conta cu e bannernan ta aporte di su sostenedonan cu ta pasa laga nan, pa nan por uza durante nan manifestacion. Peticion di e sostenedonan na Richi ta pa e sigui molestia cu su manifestacion y su mensahenan.
Den su opinion e no ta buscando problema cu polis. Ta e sostenedonan mes ta pasa laga nan mensahe pa nan y como tal nan ta pone nan pa e publico por pasa mira nan. Te cu awo e no a tende cu Gobernador lo tin un problema cu locual ta pone y si acaso lo tabata tin mes, lo ta na su persona pa bin haci peticion pa kita cualkier banner.