Autor Richard Dabian cu buki di Papiamento pa Papiamentu

390

‘Tekki, e toteki’ ta e buki nobo di Richard Dabian p’e muchanan di Aruba, pero tambe pa tur mucha di islanan ruman Corsou y Boneiro. Tekki tin un soño y e ta laga niun hende strob’e. E otro bestianan den mondi ta haya cu Tekki tin idea, pasobra Tekki kier su mes programa na television. Anto un programa tocante historia. Tekki kier mustra tur bestia cu e por logra su meta.

Tekki kier mustra tur bestia cu e por logra su meta. Tekki tin hopi reto su dilanti. Su soño ta bira realidad? Autor Richard Dabian ta invita tur mucha lesa su buki nobo y pa nan haya sa con ta bayendo cu Tekki.

Richard Dabian a haya e inspiracion pa e storia aña pasa pa curasha mucha cu ta busca un carera artistico. Esaki ta un publicacion di Request publishing. Adaptacion di e texto ta di Marlon van der Linde, Ilustracion di Gairo Tromp, diseño grafico Timothy Lampe y e buki a keda edita pa Denise de Jongh-Rekwest.

Dos aña pasa Richard a contribui na Festival di Buki pa Mucha pa e buki ‘Amigonan tur caminda’ cu e storia titula ‘Unda mi ronchi preto ta?’. E buki aki ta un compilacion di storia pa mucha. E aña despues Richard a presenta e storia ‘E faro di mulitcolo’. Y awor e escritor tin un otro buki pa mucha titula ‘Tekki, e toteki’. Richard Dabian ta coordina actividad di atardi pa mucha na biblioteca. Durante e Festival di Buki pa Mucha 2020, cu ta tuma luga dianan 2 pa 6 di november, Dabian ta conta e storia di Tekki pa medio di un presentacion online cu ta pasa riba e canal di YouTube di Biblioteca Nacional Aruba. Por wak esaki tambe via biblioteca su website. E buki ta disponibel despues di dia 28 di october na librarianan local. Entrante november por fia e buki na biblioteca.