Ta manera algo cu ta sumamente na moda, a tuma luga un biaha mas kibramento di bentana di auto.
Hendenan den vecindario ta sumamente fada cu cada biaha na e mesun sitionan y riba e mesun strip ladronnan ta haya ta bon pa distrui propiedad di hende y bay cu nan pertenencianan.
E biaha aki un biaha mas ta na Sultan, caminda un dama a bay un comemento, lagando su tas den auto y na momento cu el a sali for di e luga, el a bin haya e sorpresa cu antisocialnan a kibra drenta den su auto y bay cu su tas cu 5 mil florin den dje. Claramente esaki ta algo cu mester sigui pone atencion riba dje, pasobra ya ta varios dia, pa nos bisa siman tras di otro, cu antisocialnan ta kibra bentana di auto y ta horta cos di hende.
