Awe a drenta varios di automobilistanan mas cu rabia, hostina, di un trafico pega den forma innecesario.
Esaki a sosode den area di e rotonde di Cumana, Watty Vos Boulevard, unda cu e trafica practicamente no tabata move. Taxistanan cu pasaheronan abordo tabata rabia pasobra no ta logrando pa yega aeropuerto na tempo, manera e reglanan ta prescribi pa e biaheronan.
Tur esaki ta debi cu trahadonan di DOW a dicidi di pinta zebrapad den oranan di merdia pa atardi den e area aki. Un falta di coordinacion total cu a causa filanan largo di autonan para riba Watty Vos Blvd cu a wordo construi pa un fluho rapido di e trafico.
E diferente comentarionan ricibi ta indica cu por a evita tur esaki si a pinta e zebrapadnan den oranan di anochi. Pero nos ta na Aruba, un ciudadano a bisa.
