Cinco herido ora bus a dal den auto

Diahuebs anochi algo pasa di 8:10 riba caminda grandi den cercania di La Granja Savaneta a sosode accidente frontal cu bus y un SUV envolvi. Chauffeur di Arubus riba ruta pa Playa a hala di su banda di caminda pa evita dal tras di dos auto. E autonan lo a baha velocidad pa bay bira den e T-Kruising cu tin eybanda.

Segun testigonan e chauffeur di e bus probablemente tabata riba velocidad halto of no a paga tino cu e autonan su dilanti a reaciona poco laat.

E chauffeur di e bis a bay pa kita na su banda robes cu a pone e bus a bay dal den trafico contrario. Na banda drechi e no por a hala debi cu tin trabounan andando di cobamento di e caminda.

Otro testigonan cu tabata den e bus mes a remarca cu e auto dilanti e bus a dal para ultimo ora pa bay lora den e t-splising. E chaufferu lo a haci maniobra pa evita dal tras di e dos autonan.

Cinco herido ora bus a dal den auto

Cinco herido ora bus a dal den auto na SavanetaClick e link pa mas https://24ora.tv/35KDr9N

Posted by 24ora on Thursday, October 17, 2019

E chauffeur, un señora di e Mitsubishi Montero a haya basta sla na cabes. Chauffeur di e bus y tres pasahero a resulta herida. Tur herido a keda transporta pa Hospital.

Un total di tres ambulance, rapid response unit di IMSAN a keda despacha na e sitio. Polis a cera caminda for di Rotonde di Pos Chikito cu tabatin trafico basta pega. Departamento di Trafico a presenta tambe pa investigacion.