Auto ta subi rotonde sin calcula e trafico eyriba

1570

Trafico na Aruba ta pasando den diferente cambio, un di nan ta di adapta na e rotondenan cu tin actualmente, tanto esunnan existente como esunnan mas recien.

Diasabra mainta, alrededor di 10:20am a sosode un accidente riba rotonde di Cumana. Un pickup marca Toyota modelo Hilux a subi e rotonde sin calcula trafico riba e rotonde bon, a subi dilanti un Ford Edge cu a dal den dje. 

Chauffeur di e Ford a purba di tur manera pa desvia pero no a logra, el a dal den e baki di e pickup. E chauffeur di e pickup a spanta y na sitio a cuminsa keha di basta dolor na su nek. A pidi ambulance na e sitio pa brinda asistencia na e señora accidenta.