Diadomingo mainta despues di 10’or, Polis a wordi manda pa Siribana Santa Cruz unda mester tabata tin un accidente cu herido. Segun informacion compila na e sitio, un chofer mester a haya un atake di epilepsia mientras cu e tabata core y asercando un bocht.
Mirando e situacion por conclui cu ora e chofer a haya e atake, e lo mester a primi gas bon duro. Esaki a causa cu den e birada a baha for di caminda y subi algun baranca pa finalmente dal den un mata. E chofer a wordo hinka den ambulance. Fuera di su atake di epilepsia no ta conoci ki sla y of herido mas e por a sufri.
