Auto ta pasa riba pia di mucha na Shaba

Algo pasa di 5:45 di atardi, polis y ambulance a wordo pidi cu urgencia pa bay na Big Bazaar na Shaba, caminda cu un auto lo mester a pasa riba pia di un mucha.

Na e sitio, paramediconan a atende cu e mucha rapidamente, mirando cu e tabata sclamando di dolor.

Polis a bay atende cu e chauffeur di e Nissan Sentra, cu aparentemente a pasa riba e pia di e mucha. Parce cu ta trata aki di un conocido di polis.

Ora cu a splik’e di e hechonan, a nota cu el a bira nervioso. A bin resulta cu e Nissan Sentra no tabata tin ningun documento valido riba dje.

A confisca e auto y takelwagen a bin pa asina hiba e auto aki na warda di Shaba. E mucha mientras tanto, a wordo hiba hospital pa ricibi tratamento medico avansa.