Auto ta dal den patruya di Polis y ta bolter

Algo prome cu 7or di mainta, un patruya di Noord bayendo direccion pariba riba e caminda di Tanki Leendert a haye envolvi den un accidente. Aki un Hyundai Accent color shinishi numera A-18174 tabata coriendo zig zag riba caminda y net un poco pabou di e crusada di e misa di Tanki Leendert, e patruya di polis a haye envolvi den un impacto cu e Accent. E Accent a hala na su man robes y dal den e pickup di polis y cu consecuencia cu e patruya di Polis a bolter. E dos polisnan nada a pasa cu nan.

Auto di polis envolvi den accidente na Tanki Leendert

Algo prome cu 7or di mainta, un patruya di Noord bayendo direccion pariba riba e caminda di Tanki Leendert a haye envolvi den un accidente.

Posted by 24ora on Sunday, December 3, 2017

E otro manehador di e Hyundai a ricibi sla na pecho. Ambulance a presenta na e sitio unda paramediconan a duna asistencia medico. Polis di trafico tambe a ser pidi pa presenta na e sitio pa asina tuma datos di e accidente. E Hyundai Accent su papelnan no tabata na ordo. Polis a pidi takelwagen pa asina transporta e Accent pa warda di Balashi pa mas investigacion.