Auto a subi rotonde y lage na werki

Diadomingo, algo pasa di 2’or di marduga, un auto di stuur man drechi, tabata biniendo tur cu tin, al estilo Fast & the Furious. Dado momento el a perde control riba su stuur y a subi e rotonde na Pos Chikito, lagando esaki na werki. Un dama ocupante di e auto, a keda levemente herida. Ambulance a presenta na e sitio y a atende e dama aki, kende na final a wordo hiba pa hospital pa ricibi tratamento medico avansa. Daño material ta considerabel.