Un dia despues di Pasco alrededor di 10:30am polis a presenta n’e cero net prome cu California Lighthouse. Aki ta caminda a topa cu un auto preto RHD laga atras y sin doño. E auto tabata completamente dorna cu lodo, porta dilanti tabata medio habri y un taira patras plat.
Polis ta sospecha cu lo a uza e auto aki pa bay trip y algo por a bay robes. Autoridad ta buscando pa sa si e auto ta procedente di joyriding of no.
E auto ta registra na un cas den Chilestraat, ora cu a bay na e cas, niun hende a sali pa atende cu e defensornan di ley. Pa awo, e auto lo keda para eynan pendiente wak ken ta bin pikie, probablemente si e keda mas largo eynan, polis lo confisc’e y hib’e ward’i Balashi. E auto ta numera A-56934.
