Diabierna madruga, un poco despues di 12’or di mey anochi, riba e caminda di Kibaima pa St.Cruz, na altura di crusada di Mond’i Fierno, ta sosode un accidente di auto, al estilo pelicula.
Un dama, conocido miembro di prensa, coriendo direccion di St.Cruz pa un motibo of otro a perde control, baha caminda na man drechi, a subi algun baranka stijl bay halto y keda pega na halto. E dama a logra sali di auto y algun ciudadano cu a tende e impacto a bin dune asisentencia. Nan a yud’e baha bin abou. E dama tabata keha di dolor. Hopi a comenta con inexplicabel e auto a logra subi eyriba. Ambulance a bin na e sitio pa controla e chauffeur. Takelwagen lo tin di buska un forma pa baha e auto for di riba e barancanan.
