Auto na benta a pega na candela

Den oranan di diasabra anochi a manda Polis pura den direccion di Holliday Inn Hotel. A drenta informacion cu tin un auto na candela. Ora cu Polis a yega a mira necesidad pa bomberonan tambe yega. Ta un auto cu ta na benta y esaki a pega candela. Por a mira cu na e parti di motor e candela tabata. Probablemente un corto circuito a causa e candela. No tabata tin hende herida. Solamente e daño di e candela na e auto ta basta grandi.