Patruya di San Nicolas a bin topa un un auto kibra para meymey caminda na Watapanagezaag. Diasabra anochi den careda di 10:10PM, polis enberdad a bin topa cu un vehiculo mal staciona na Watapanagezaag.
E auto tabata mustra di ta kibra y tabata para meymey di e caminda y laga atras pa su cuenta. No a topa cu e doño di e vehiculo niun caminda. Un rato despues e doño a aparece na sitio, y a trece algun persona adicional pa asina yud’e kita e vehiculo for di riba caminda.
E doño a conta cu e auto (un Toyota yaris ) a confronta problema net den e birada skerpi di Watapanagezaag. Pa su mala suerte e tabata stoba e trafico contrario di move, cu tabata un peliger den trafico. Un rato despues a logra kita e auto y trafico por a normalisa.
