Diaranson anochi alrededor di 8:10 pm a sosode un caso peculiar. Un chauffeur di un Mazda CX-5 color blauw numera A-76829 a pasa den un susto ora cu den un frega di wowo, hopi huma a cuminsa sali for di e motor. Na sitio a logra combersa cu e chauffeur y cu ruman di e doñ’i auto.
E chauffeur a conta cu un rato prome el a cab’i yena gasolin, e no a kico a bay robes pero un poco despues di rotonde Paperclip riba Watty Vos Boulevard; e auto a cuminsa saca basta huma pa djey kima por completo parti dilanti.
Ruman di e doño di auto a conta nos cu e auto ta traha cu bateria, pues mita motor di gasolin y mita riba bateria, pues hybrid.
E auto ta apenas algun aña bieu. Investigacion tin cu bay saca afo kico ta origen di e candela aki y si seguro lo cubrie si of no. E bomberonan a yega den un rato di ora y a logra combati e candela mientras polis tabata desvia trafico.
