Un auto cu a wordo horta durante oranan di dia, a bin hay’e den oranan di madruga na Savaneta.
Riba diamars merdia un turista a bati alarma cu su auto di huur a disparce ora cu e tabata disfruta di e beach y lama na Mangel Halto. El a laga e auto riba e barancanan staciona, y no a ripara mes ki ora ladronnan a bay cu e auto.
Mesora a cuminsa un buskeda pero sin resultado. Mas den marduga unidad di polis cu ta cuida costa a bin encontra cu un V-Wagen den mangelnan na Santo Largo mal pega. Ta sospecha cu e auto aki ta esun cu a disparce (horta) den oranan di dia. Investigacion lo saca afo kico lo a pasa den e caso aki.
