Auto familiar a dal den pickup riba crusada den Weststraat

Dialuna mainta ta bati alarma pa un otro accidente cu a tuma luga riba e crusada di Rudolf Arendstraat y Weststraat, net banda di Bo Chang Wing Supermarket.

Tabatin dos auto envolvi cu basta daño material. Informacion acumula na e sitio ta mustra cu e pick-up shinishi tabata coriendo riba Weststraat bayendo direccion nort (Santa Helena). E tabata pasando riba e crusada ora cu e auto blauw maneha pa un dama Venezolano a bin dal den dje. Segun e chauffeur y otro persona mas, nan a mira e señora cu celular den man.
E señora tabata keha di dolor na su man y ambulance a bini na e sitio pa e paramediconan control’e.

Segun e señora a splica, e tin rijbewijs internacional. El a bay e mainta ey na un oficina cu mester a yud’e cu les den trafico di Aruba, pero nan tabata cera. E no tin mucho conocemento di e trafico local.

Comments

comments