Diamars, pa mas of menos 3’or y mey di marduga, a drenta informacion cu un auto biniendo for di nort, bayendo direccion Playa, di un manera of otro a dal contra e rand di acera di e rotonde na Tanki Flip, causando daño na e brasa di e auto. E auto mes a keda para mey mey di caminda. Polis y roadservice tabata na e sitio pa tuma nota di e accidente. A pidi takelwagen pa bin hala e auto for di e luga, pa asina evita stroba trafico.
