Diadomingo marduga algo prome cu 4’or a sosode un accidente na Solito, na altura di For Seas Bar and Restaurant, net despues di e stadion di RCA. A resulta cu un chauffeur masculino tabata bayendo direccion Tanki Leendert. No ta conoci kico por a pasa cu e auto a resulta cu cuater wiel na laira, investigacion lo saca afo kico “precies” a pasa.
Na banda cu e auto a ricibi basta daño material, el a accidenta tambe contra 2 otro auto cu tabata para dilanti di e bar, cual un di nan ta di e propietario. E chauffeur tabata papia poco bruha, e tabata bisa: “Un hende a pompa mi””.
Nos no sa kico e lo kiermen cu esey. Polis a lag’e supla y el a surpasa e limite. A detene y transport’e pa warda. E tabata levemente herida, cu rasca na man etc. Daño material tabata basta.
