Auto cu boto den accidente riba rotonde na Avenida Nel Oduber y Watty Vos Boulevard

Awetardi a sosode un accidente peculiar alrededor di 2:30pm na e rotonde nobo dilanti di Guardian Group, esta unda Watty Vos Boulevard ta caba y Avenida Nel Oduber ta cuminsa. Ey un auto maneha pa un turista Mericano no a logra orienta bon riba e rotonde y no por a scoge cua liña e lo tuma riba e rotonde. Un pickup lastrando un boto a dal den e auto, lagando basta daño material atras.

E señora den e auto, un turista Mericano, a conta cu el a bruha entre tur e rutanan cu por a scoge pa tuma ora subi e rotonde. Sinembargo e pickup cu e boto a pasa den banda y prome cu e señora kier a realisa, ya e boto den su banda a dal den dje y ranca su bumper kibra.

Accidente entre boto y auto riba rotonde na Avenida Nelson Oduber y Watty Vos Boulevard

Accidente entre boto y auto riba rotonde na Avenida Nelson Oduber y Watty Vos Boulevardhttps://24ora.com/auto-cu-boto-den-accidente-riba-rotonde-na-avenida-nel-oduber-y-watty-vos-boulevard/

Posted by 24ora on Saturday, December 7, 2019

Polis a presenta na e sitio pa regula e trafico pero a laga e investigacion den man di TRS mes. Dor di e impacto y e hecho cu e rotonde ta hopi uza, e trafico a pega bastante.