Diaranson marduga pa mas of menos 00:45 am, polis a bay n’e rotonde di Tarabana pa atende cu un accidente, caminda un Chevrolet SUV, numera A-21574, a subi e rotonde por completo.
Polis a bay n’e sitio rapidamente, sinembargo e chauffeur di e SUV no a keda warda polis yega, di manera cu el a dicidi bay den direccion di Dadelstraat.
Polis di biaha a core su tras y a logra pone man riba dje. A pone e chauffeur sinta banda di su SUV accidenta y na final, a detene tambe.
Pa loke t’e auto, e tabata basta kibra. Tambe por a nota varios borchi di trafico cu tabata riba e rotonde benta abao debi n’e impacto.
Daño n’e SUV y e rotonde ta considerabel. Te asina leu no ta conoci si e chauffeur por tabata bao di influencia.
