Auto a slip baha caminda y drenta mond’i Franse Pas

1432

Awe nochi casi 10:30pm a sosode un accidente na Franse Pas cu herido leve. Sinembargo ora e patruyanan di Polis a yega Franse Pas net un tiki pariba di e saliña, a topa solamente un Nissan Tiida blanco hinca den mondi band’i caminda. E chauffeur mes no tabata na e sitio.

Auto a drenta mondi na Franse Pas, ta sospecha cu e chauffeur ta herida, pero asina mes el a huy for di sitio.

Auto a drenta mondi na Franse Pas, ta sospecha cu e chauffeur ta herida, pero asina mes el a huy for di sitio.Click e link pa mas: http://24ora.news/2KoNfQm

Posted by 24ora on Sunday, November 22, 2020

A nota cu tabatin sanger den e auto y a sospecha cu e chauffeur lo ta herida. Un rato despues e doño di e auto accidenta a yega y su tras e chauffeur cu un rato promer a disparce. E chauffeur tabata sangra banda di su cachete, pero no tabata desea di un ambulance.

E chauffeur mes a declara cu e tabata biniendo di pariba anto a slip den santo. A trata di wanta control riba su auto, pero lamentablemente no a logra y consecuentemente a drenta mondi.