Auto a ranca palo di luz ariba Boulevard

Tabata alrededor di 11.30PM unda cu a sosode un accidente cu basta daño ariba L. G. Smith Boulevard. Ta trata di un Hyundai color preto numera: A-59622.
Nos a logra combersa cu un di e personanan cu tabata den e auto encuestion. El a conta nos cu nan tabata direccion pariba y a bay purba pasa un pickup.


Esaki no a logra mirando cu e pickup a “cera/blokianan”. Esaki a ponenan perde control, bay dal den un mata y ranca un palo di luz. Caminda tabata muha.
No tabatin ningun herido.

Daño material: e parti dilanti di e auto a ricibi basta daño. E bateria di e auto a sali di e auto debi na e impacto y a bay para algun meter leu di unda e auto a bay para.
Polis a cera caminda for di ambos banda, Citgo Boulevard y rotonde Wendy’s Boulevard. Personal di DOW tambe a presenta na sitio, mirando cu tabatin hopi azeta benta ariba caminda.
Tene cuenta cu por tin problema di iluminacion den e area aki te ora cu ELMAR caba cu nan trabou.