A perde control dal den palo di luz

477

Diadomingo pasa di 11:00pm a sosode un accidente riba Sasakiweg, na altura di e rotonde di Super Food. Ey a topa cu un auto marca Hyundai modelo Accent color cora cu number A-63655 pega riba e palo di luz di N.V. Elmar # 6491.

Chauffeur di e auto a conta Polis cu un otro auto a bin cu velocidad halto banda di dje y a duna indicacion cu kier pusta. El a perde control, baha caminda y dal den un palo di luz.

E chauffeur a resula herida, dor di e impacto fuerte. Tabata sinti dolor na varios parti di su curpa. Ambulance a presenta na e sitio pa brinda asistencia. A opta pa transporta e chauffeur pa Hospital pa checkeo medico.

Takelwagen a presenta na e sitio pa transporta e auto. Debi na e impacto, e daño, e auto no por a core mas.