Awe madruga den careda di 4.30 Polis a bai na e edificio di “VNO” (Vertegenwoordiging van Nederland in Aruba/Representacion di Hulanda na Aruba) na Lloyd G. SMITH BOULEVEARD, unda un auto mester a dal den e cura di e edificio di VNO.
Na yegada Polis a acerca e hoben Hulandes Europeo cu a declara cu e tabata coriendo su auto, ora di repente un cacho a crusa su dilanti. Den su maniobra di brake y tratando di evita di dal e cacho, el a perde control, subi acera y finalmente termina contra e muraya di e cura.
E daño tabata considerabel y takelwagen mester a presenta pa kita e auto for di e luga.
