Un poco despues di 2.15 di diahuebs merdia auto ta dal un señora den e caya Bellstraat, cu ta keda net na banda di Xuxia Supermarket.
Bou hopi alarma ambulance y polisnan a yega rapidamente na e sitio pa atende cu e victima, kende ta un señora trahando den un negoshi banda unda e hecho a tuma luga.
Segun por a compronde, e señora tabata tirando sushi den e baki grandi pafo ora cu e auto Hyundai biniendo for di direccion di DIMAS a pasa rank’e cu e spiel.
E parti di spiel di e auto ta e seccion cu a dal den e señora pero ta door di e impacto e victima a keda toch casi 15 meter leu di e punto di impacto.
Por a nota cu e victima tabata keha di dolor na su brasa y na su pianan. Paramediconan a atende eybou y despues a transporte pa hospital pa tratamento medico.