Dialuna anochi pasa di 9or a drenta informacion cu tin un tiramento na San Nicolas. Polisnan a Sali pura for di warda pa bay na Dr Schaepmanstraat. Na yegada a atende cu esnan na e cas. Ta un cas unda hende conoci pa Polis ta biba. Nan a splica cu ta dos tiro a los riba e cas. Un auto shinishi parce a los e tironan. Polisnan presenta a confirma e daño cometi pa e tironan.
A pidi presencia di recherche y tambe a pidi presencia di cuerpo tecnico di polis. A cera e caminda riba un distancia pa asina evita pasada di trafico. No por a duna number di auto of otro indicacion. No a herida ningun hende. Mas bien e perforacion a causa daño na e porta di glas na entrada.
