Auto a habri diadomingo kibra y sin radio

Diadmingo pa 1:45am a pidi asistencia di Polis pa un caso di ladronicia den auto, patras di Lekker Bar na Pam Beach. Doño di un auto marca Nissan modelo March a conta Polisnan cu ladronnan a kibra su auto y a bay cu e radio y a purba horta e bateria di auto.

A haya sanger riba e auto, cu ta parce cu e ladron lo a corta su mes den e proceso.

Polis a tuma tur dato y a keda di manda e departamento forensico pa check si e ladron por a laga prueba di su identidad atras riba e auto. Recherche ta investigando e caso.