Awe mainta a tuma luga un incidente un poco straño na Mabon unda cu un pick-up a dal den un cura di cas, bashando e cura abou. Loke cu a hala atencion cu ta trata aki di cas di un polis.
Diferente unidad policial a yega na e sitio, despues cu a bati alarma, pa motibo cu e dos personanan den e pick-up a huy for di e sitio. Sinembargo e hecho cu e dos personanan den e auto a huy for di e sitio na pia, a manda diferente unidad, tanto di San Nicolas como Playa, pero tambe por a mira funcionarionan di Departamento di Recherche, pero tambe ambulance. Sinembargo no tabatin herido.
Hopi lihe, a logra detene e dos hombernan aki, un banda di Centro di Bario Brazil y e otro den Caya Mangasina. A transporta ambos pa Warda di Polis San Nicolas. Awo ta bay investiga si ta trata di un accidente of algo intencional, mirando cu ta trata aki di cas di un funcionario policial.
Na e sitio a pone lint y tabatin dos ambulance tambe.