Diasabra atardi banda di 4’or y mey, a surgi un accidente na momento cu vehiculonan a dal un tras di otro net na e t-kruising pariba di Well Well.
Aki un Hyundai Tucson biniendo di Santa Cruz no a logra para na tempo pa un Nissan March cu tabata para na e t-kruising pa bira bai Sero Biento.
Chofer di e Nissan March a laga sa cu e tabata di bira ora diripiente e Hyundai Tucson a claba su tras, mientras cu e chofer di e Hyundai a laga sa cu ta despues di e impacto e señora a pone signlight pa bira.
E chofer dama di e Nissan March tabata keha di dolor na su pecho y pesey a yama ambulance tambe pa presenta na e sitio.
Personal di ambulance a haci un check-up medico cu e señora pero no tabata nesecario pa hibe hospital. Locual ta trata di e dos diferente declarionan di ambos chofer lo wordo investiga y regla entre e companianan di seguro.
