Dialuna, pa mas of menos 3’or y 10 di atardi, a tuma luga un accidente entre un scooter y un auto riba e rotonde na Bubali.
Aki polis di trafico ta topa cu un auto marca KIA y scooter. Segun testigonan, e scooter tabata bayendo abao y e KIA tabata bin di nort. Esaki no a paga tino cu e scooter tabata riba e rotonde, cu e consecuencia cu el a dal den e scooter.
Despues di esey e auto a bolbe lora rond di e rotonde pa asina e para bek caminda cu e accidente a sosode. E motociclista a resulta herida y cu ambulance a hib’e hospital pa asina ricibi tratamento medico avansa. Daño material ta minimo.
