Den careda di 11’or di diamars anochi un auto a dal den cura di cas na Santa Cruz, pero a sigui core despues.A resulta cu na Macuarima un auto a baha for di caminda y a dal den parti di e cura, unda e doño di cas a prepara un pillar pa yena cu cement e siguiente dia.
Segun informacion no-oficial na e sitio, tabata trata di un auto chikito color blanco. Den e auto mes tabata tin 3 hende. Un mucha muher jong tras di stuur, un mucha homber jong y un homber di edad. Manera cu nan a dal den e pilar di e cas y a drenta e cura, e dos cabayeronan a baha y a pusha te saka e auto for di cura.
Nan a laga sa cu nan lo pasa e siguiente dia, esta diaranson, y a subi nan auto mesora bandonando e sitio.Parce cu nan ta conoci den e bario pa core iresponsable. Polis a tuma tur datos y awo e doño di cas ta sinta cu un debe pa drecha su cura djis pasobra otro hende ta dal kibra su cura y no ta keda pa asina para responsabel pa nan actonan.
