Auto a cay den rooi riba Sasakiweg

Diaranzon alrededor di 4:00pm a sosode un accidente riba e caminda cera di Sasakiweg. Parce cu un V-car a bay haci un U-turn debi cu ora el a subi caminda di Sasaki a ripara cu e caminda ta cera. Ora a subi caminda no a paga tino cu tabatin un Nissan Tiida biniendo. E auto a bay hala pa evita un desgracia, a perde control y a bay cay den e rooi cu ta separa e dos camindanan for di otro. Pa colmo e rooi ta yen di awa, pa cual e auto a sufri bastante daño. Danki Dios no tabatin herido.