Diahuebs atardi algo pasa di 1or a sosode accidente riba caminda di Green Corridor na altura di Seroe Teishi. Chauffeur lo a perde control di vehiculo y bolter, un persona a keda pega den auto. Mientras dos dama a keda saca y benta banda di caminda.
Polis a cera caminda y tabatin mester di presencia di Cuerpo di Bombero pa saca un hende for di e auto. Ambulance a atende cu tur tres herido. Trafico a keda mal pega for di rotonde di Mahuma te cu rotonde di ex-Drive-Inn.
Tres persona a resulta herida diahuebs den oranan di merdia den un accidente cu a tuma luga riba Green Corridor.
A bati alarma grandi merdia pa un auto cu a bolter riba Green Corridor, na altura di Ser’i Teishi. Segun informacion ricibi, e auto bahando for di pariba bayendo direccion di Playa pa motibonan desconoci a perde control bay mey-mey di caminda unda cu el a dal den e monton di santo pa despues perde control completo y keda bolter mas cu un biaha. Danki Dios no tabatin otro vehiculo cerca cu e no a dal den nan. Pero door di e impacto, e forsa di e accidente a saca un di e personanan cu a keda riba caminda benta.
Personanan na e sitio a constata cu un di e ocupantenan a keda pega den e Hyundai cora, pa cual a meld cu mester di presencia di Brandweer tambe. Bomberonan den mas o menos 10 minuut a logra corta henter un pida banda di e vehiculo accidenta pa saca e persona cu a keda pega eyden den e asiento di chauffeur. Por a mira cu e tabatin basta sla na diferente parti di su curpa, principalmente na cabes. Despues di a stabiliz’e, a transport’e cu suma urgencia pa hospital.
A pidi presencia di autoridadnan concerni na e sitio, no solamente di Polis pero tambe slachtofferhulp mirando e impacto di e accidente aki.
