Diadomingo anochi net na momento cu Polis tabata hibando un detenido herida pa Hospital, a topa cu un accidente basta serio. E auto marca Toyota color blanco tabata riba e caminda cu ta core paralel cu Green Corridor, pasando Oxygen Lounge bayendo pabou. Den e birada e chauffeur no a tuma e bocht y a dal den e acera cu a causa cu e auto a bay halto y bolter varios biaha y cay den cura te banda di e cas.
Aki ta wordo papia cu dos hende mester tabata den auto y un di nan den condicion grave. Personal di rescate a logra saca un victima for di auto. E otro a sali riba propio forsa.
Polis a keda basta largo ta investiga e accidente. Hasta e personal di Cuerpo Tecnico a ser yama pa bin saca potret di e situacion.
