Diasabra, pa mas of menos 11:45 pm, a sosode un accidente basta pisa na Sabanilla Abao. E chauffeur lo mester a perde control di e stuur y a drenta mondi.
Tanto polis, brandweer como ambulance a bay na e sitio, mirando e circunstancia cu e chauffeur tabata aden. El a keda pega y tabata herida.
E proceso pa rescata e chauffeur no tabata uno facil, mirando cu e dak di e auto a pega te na vloer. Mester a bay cu cautela pa asina evita cu e auto a kentel riba personal di bombero durante e rescate.
Mientras tanto ambulance a transporta e chauffeur pa hospital pa asina ricibi asistencia medico avansa.
Daño material ta considerabel.
