Awe mainta pa 6:50am a sosode un accidente riba Sasakiweg, poco pazuid di ex-House of Cheng. Un auto marca Toyota modelo Mark X color blanco cu number A-69727, a perde control coriendo for di Noord direccion Oranjestad y a bolter bay pega te na otro banda di caminda. E chauffeur a resulta levemente herida, pa cual Ambulance a presenta pa brind’e cuido y transport’e pa Hospital pa ricibi tratamento medico.
Segun version di e chauffeur femenino, e tabata rumbo su trabou, ora diripiente un auto a cer’e durante cu e tabata pasando un otro auto. El a bay den panico y a perde control riba stuur di e auto.
Di otro banda, si tuma nota di e lastra di brake di e auto, e distancia y te na unda el a bay bolter, ta indica sin duda cu tabatin exceso di velocidad.
Daño material na e vehiculo modelo “Right Hand Drive” ta considerabel.
