Awe pa 3:50am a sosode un accidente serio riba e caminda grandi na Savaneta, specificamente na e adres Savaneta # 310-A. Polis, Brandweer y Ambulance a activa pa brinda asistencia na e chauffeur cu a keda pega den e auto. Pa habitantenan di e cas, esaki tabata un susto enorme y a rebiba e mesun sentimento di angustia di algun tempo atras, ora cu un auto a drenta nan cura di cas caba.

Ta trata ami di un auto marca Nissan modelo Teana color shinishi cu number A-70843. Pa motibo ainda desconoci, e auto a perde control, baha caminda, subi acera, dal riba cura di e cas y ranca e meter di awa na e cas Savaneta # 310. E impacto tabata asina fuerte y e meter tabatin asina hopi presion riba dje, cu el a ranca bay manera un proyectil y pasa dor di bentana di e cas na otro banda di caminda, esta Savaneta 310-A y bay dal den nan muraya di sala. E auto mes a bolter y a keda riba su dak.

Auto a bolter marduga na Savaneta

Auto a bolter marduga na Savaneta

Posted by 24ora on Monday, April 8, 2019

Chauffeur di e auto a keda pega, pa cual Materialenwagen di Brandweer a presenta pa corta e auto y asina saca e victima for di e situacion cu el a keda pega aden. Na e sitio a constata cu el a kibra man y tabatin sla na cabes. Cu ambulance a transporta e victima pa Hospital.

Comments

comments