Auto a bolter den rooi di Hato

Diadomingo den oranan di atardi a manda Polis cu urgencia den direccion di Hato. E caminda di rotonde Tanki Flip direccion un auto a bolter y tin hende herida. Na yegada di Polis a haya bomberonan presente pasobra e tabata net poco pabou cerca di e Kazerne di Tanki Flip. A pidi pa ambulance pero e chauffeur tabata mustra ok.

E tabata bin hopi duro for di pariba y a perde control y bolter dos biaha segun testigonan. A keda cu e auto benta den e rooi cabez pariba. E auto a keda hopi kibra. Ta trata di e auto cu number A-7015. Despues cu e situacion a normaliza tabata necesario pa pidi presencia di takelwagen pa saca e auto. Polis a sera e caminda na dos rotonde pa desvia e trafico y asina e trabou por a tuma lugar pa saca e auto.