Diahuebs madruga a drenta informe di cu un auto lo a bolter riba caminda grandi dilanti di Wayaca Falls riba e Green Corridor pariba di airport, mesora a dirigi tanto polis como ambulans na e sitio.

Na yegada di e patruya a bin encontra cu un Honda Aria y un palo di luz benta abao. Locual polis por a compronde cu e chauffeur tabata bayendo pariba y probablemente lo a pega soño bay na banda robez subi e sero chikito di santo dal palo di luz kibra y e auto mes a bay bolter otro banda di caminda y a keda riba su dak.

E hoben chauffeur a sali for di e auto y a nenga atencion di ambulans. Polis a informa esnan di e Green Corridor pa bin drecha e palo di luz.

Comments

comments