Auto a bay halto dal den cura di cas

Diasabra manece, den careda di 5’or di marduga a pasa un accidente basta imprecionante. A pidi presencia di Polis na sitio, pa bay cu urgencia direcion Shaba na Noord. Aki un chauffeur di un auto Subaru Forester XT mester a bin cu basta velocidad, bayendo direcion Playa ( zuid ). Vehiculo ta baha for di caminda violentamente y ta dal den e trottoir na su banda.

Manera un catapulta e impacto a lansa e auto den layra, y ta bay dal den un sign grandi meymey di Maduro Travel y Cas Tanki Flip 107-A. Door di e impacto no solamente e auto pero tambe e cura a kibra y pida blokki a spat rond den diferente direccion. Milagrosamente e chauffeur no tabata mustra señal di ta herida. A yama ambulance toch na e sitio pa controla si e tabata bon. Por conclui si cu e chauffeur mes no tabata sa exactamente kiko lo por a pasa.