Dialuna atardi alrededor di 3:45 pm a sosode un accidente n’e crusada di Boliviastraat cu Weststraat den Playa. Un auto marca Daihatsu biniendo den Boliviastraat a dal e persona riba step cu tabata riba Weststraat.
E persona riba step a cay y kap su cabes. Debi cu na e momento ey no tabatin un ambulance disponibel, a tarda un rato prome cu nan a yega pa brinda e victima atencion medico. Mientras cu tabata warda pa yegada di ambulance, un nurse di Xavier University tabata check un cu e otro cu e victima.
E kap tabata basta profundo. Na final polis di trafico a documenta e accidente mientras cu ambulance a transporta e victima pa hospital pe ricibi atencion medico avansa.
